Muallif haqida:

Huang Ning — Xitoy ilmiy-texnika taraqqiyoti strategiyasi tadqiqot institutining kichik ilmiy xodimi, iqtisod fanlari doktori. Tadqiqot yo‘nalishi ilmiy-texnik innovasion siyosat, globalizatsiya va xalqaro ilmiy-texnik hamkorlikni o‘z ichiga oladi. So‘nggi yillarda Huang Ning 1 ta monografiya chop etgan, 5 ta kitob tuzgan, 30 ta ilmiy maqola yozgan, 90 ta siyosat tadqiqotlari bo‘yicha hisobotlar yozgan, bir qator loyihalarga rahbarlik qilgan va 40 dan ortiq milliy, viloyat va vazirlik loyihalarida ishtirok etgan.

Qisqa mazmuni:

Aksilgloballashuv va Xitoyning tashqi ilmiy-texnik va iqtisodiy aloqalari” kitobi global iqtisodiy va siyosiy jarayonlarni tahlil qiladi, ayniqsa, globalizatsiyaning sekinlashishi va antiglobalistik kayfiyatlarning oʻsishi sharoitida Xitoyning roli haqida soʻz yuritadi.

Kitobda global moliyaviy inqirozning oqibatlari, Brexit, AQShning TTPdan chiqishi, shuningdek, Xitoy va AQSh oʻrtasidagi savdo urushlari tahdidi kabi jarayonlarga alohida eʼtibor qaratiladi. Muallif bu jarayonlarning jahon tartibini qanday oʻzgartirganini va savdo, innovatsiyalar va intellektual mulk huquqlari sohalarida Xitoy qanday yangi muammolarga duch kelganini tahlil qiladi.

Mazkur kitob xalqaro munosabatlar, iqtisodiyot va ilmiy-texnik rivojlanish sohasida tadqiqot olib borayotgan mutaxassislar, shuningdek, globalizatsiyaning zamonaviy chaqiriqlari va Xitoyning jahon iqtisodiyotidagi roli bilan qiziquvchilar uchun foydali boʻladi.